«Հայաստանի Ֆինանսիստների Ասոցիացիա» ՀԿ ստեղծման գաղափարի համար հիմք է հանդիսացել տարբեր ոլորտների ֆինանսիստ մասնագետների և ֆինանսների կառավարմամբ զբաղվորների համար միասնական հարթակի ձևավորումը։ Այն նպաստում է ոչ միայն տարբեր ոլորտների ֆինանսիստների միջև փորձի փոխանակման հնարավորությունների մեծացմանը, այլև հանրության շրջանում և բիզնեսի համար ֆինանսական գրագիտության մասով իրազեկվածության բարձրացմանն ու տեղեկատվության տարածմանը։ Հաշվի առնելով այս ամենը, Ասոցիացիան նախատեսում է հետևյալ հիմնական նպատակների իրականացումը․
- նպաստել ՀՀ-ում ձեռնարկատիրության ֆինանսական հաշվառման և հաշվետվողականության համակարգի զարգացմանը,
- աջակցել կազմակերպություններում ֆինանսական հաշվետվությունների միջազգային ստանդարտի (ՖՀՄՍ) ներդրմանը,
- օժանդակել կազմակերպությունների ֆինանսիստների (հարակից մասնագետների) մասնագիտական որակավորման բարձրացմանը,
- ձեռնարկատիրության ոլորտում ֆինանսական գրագիտության բարձրացման ուղղությամբ նպաստել պետություն-մասնավոր գործընկերության զարգացմանը,
- օժանդակել հայաստանյան կազմակերպություններում ֆինանսական կառավարման միջազգային փորձի ներդրմանը,
- օժանդակել ՀՀ մարզերում ձեռնարկատիրությամբ զբաղվող կազմակերպությունների ֆինանսական մասնագետներին ֆինանսական կառավարման տարրերի վերաբերյալ տեղեկատվության հասանելիությանը,
- աջակցել կրթական հաստատությունների (ԲՈՒՀ-եր, միջին մասնագիտական կրթական հաստատություններ, դպրոցներ) և տնտեսության տարբեր ոլորտների կազմակերպությունների միջև ֆինանսական գրագիտության բարձրացման և փորձի փոխանակման նպատակով փոխգործակցության միջավայրի ձևավորմանը,
- նպաստել դպրոցականների շրջանում ֆինանսական գրագիտության իրազեկվածության բարձրացմանը,
Ասոցիացիայի կանոնադրությամբ սահմանված են նաև ֆինանսական ոլորտին առնչվող այլ նպատակներ ևս։
Ուրախալի է այն փաստը, որ Ասոցիացիայի նպատակների իրագործման մասով ֆինանսիստների և կազմակերպությունների բազմաթիվ դրական արձագանքներն առկա են ինչպես Երևանում, այնպես էլ ՀՀ մարզերում։
