Հայաստանի Ֆինանսիստների Ասոցիացիա
26.07.2025թ.-ին Հայաստանի ֆինանսիստների ասոցիացիայում տեղի ունեցավ հերթական սեմինար-քննարկումը՝ «Կորպորատիվ կառավարման առանձնահատկությունները» թեմայով: Հրավիրված բանախոսը «Արարատբանկի» CRM բաժնի ղեկավար և Խորհրդի քարտուղար, Ամերիկյան Համալսարանի Շարունակական կրթության բաժնի դասախոս, MBA թեկնածու, Կորպորատիվ կառավարման կենտրոնի որակավորված մասնագետ, «Հայ կանայք տնօրենների խորհրդում» ցանցի անդամ Անուշիկ Դոլինյանն էր:
Սեմինարը բավական ինֆորմատիվ էր, որի ժամանակ մասնակիցներին ներկայացվեցին Հայաստանյան կազմակերպություններից շատերում հանդիպող կառավարման խնդիրները և ռիսկերի նվազեցման հնարավորությունները:
Մասնակիցների հետ անցկացվեց նաև ինտերակտիվ իրավիճակային խաղ-քննարկում, որի ժամանակ կազմակերպության կառավարման տարբեր օղակների բաժանված խմբերը քննարկեցին առաջացած խնդիրների պատճառահետևանքային կապերը և դրանց լուծման հնարավորությունները: