Հայաստանի Ֆինանսիստների Ասոցիացիա
24.11.2022թ.-ին Հայաստանի Ֆինանսիստների ասոցիացիան կազմակերպեց ֆինանսիստների բաց համաժողով, որի ընթացքում Ասոցիացիայի նախագահ Սողոմոն Միրզոյանը ներկայացրեց ոլորտում առկա խնդիրները, Ասոցիացիայի ստեղծման անհրաժեշտությունը և նպատակները։ Արձանագրեց, որ ֆինանսական գրագետ կառավարումը կազմակերպությունների հաջողության գրավականն է, իսկ Ասոցիացիան դառնալու է ֆինանսիստների հնարավորությունները կենտրոնացնելու և իրացնելու հարթակ։
Համաժողովին ներկա էին գործարար աշխարհի ներկայացուցիչներ՝ կազմակերպությունների հիմնադիրներ, տնօրեններ, ֆինանսական ղեկավարներ, ոլորտի մասնագետներ, գիտաշխատողներ և ֆինանսաբանկային ոլորտի ներկայացուցիչներ, պետական ոլորտի ներկայացուցիչներ։
Ուրախալի է փաստը, որ գաղափարը մեծ հետաքրքրություն է առաջացրել, և Համաժողովի վերջում մասնավոր զրույցների ժամանակ քննարկվեցին նաև նոր համագործակցությունների հնարավորությունները։